కుర్రాళ్ళోయ్..కుర్రాళ్ళు..వెర్రెక్కి ఉన్నోళ్ళు..(అందమైన అనుభవం 1979 ) : Kurralloy Kurrallu song lyrics - ANDAMAINA ANUBHAVAM - Telugu Movie Top Songs

 చిత్రం : అందమైన అనుభవం (1979)

సంగీతం : ఎం.ఎస్.విశ్వనాథన్

సాహిత్యం : ఆచార్య ఆత్రేయ

గానం : యస్.పి.బాలసుబ్రహ్మణ్యం

                                     

పల్లవి :

 

కుర్రాళ్ళోయ్ - కుర్రాళ్ళు వెర్రెక్కి ఉన్నోళ్ళు

కళ్ళాలే లేనోళ్ళు - కవ్వించే సోగ్గాళ్ళు

కుర్రాళ్ళోయ్ కుర్రాళ్ళు - వెర్రెక్కి ఉన్నోళ్ళు

కళ్ళాలే లేనోళ్ళు - కవ్వించే సోగ్గాళ్ళు

ఆటగాళ్ళు పాటగాళ్ళు - అందమైన వేటగాళ్ళు

హద్దులేవి లేనివాళ్ళు - ఆవేశం ఉన్నవాళ్ళు రా రా రా రీ..హో ..

 

 కుర్రాళ్ళోయ్ - కుర్రాళ్ళు వెర్రెక్కి ఉన్నోళ్ళు

                                              కళ్ళాలే లేనోళ్ళు - కవ్వించే సోగ్గాళ్ళు   

 

                                                                    చరణం :

 

 గతమును పూడ్చేది వీళ్ళు - చరితను మార్చేది వీళ్ళు

కథలై నిలిచేది వీళ్ళు -  కళలకు పందిళ్ళు వీళ్లు

వీళ్ళేనోయ్ నేటి మొనగాళ్ళు...

చెలిమికెపుడూ జతగాళ్ళు – చెడుకు ఎపుడు పగవాళ్ళు

వీళ్ళ వయసు నూరేళ్ళు - నూరేళ్ళకు కుర్రాళ్లు

 

ఆటగాళ్ళు పాటగాళ్ళు - అందమైన వేటగాళ్ళు

హద్దులేవి లేనివాళ్ళు -  ఆవేశం ఉన్నవాళ్ళు రా రా రా  రీ.. హో ..

 

కుర్రాళ్ళోయ్ కుర్రాళ్ళు - వెర్రెక్కి ఉన్నోళ్ళు

కళ్ళాలే లేనోళ్ళు -  కవ్వించే సోగ్గాళ్ళు

 

చరణం :

 

 తళతళ మెరిసేటి కళ్ళు - నిగనిగలాడేటి ఒళ్ళు

విసిరే చిరునవ్వు జల్లు - ఎదలో నాటేను ముల్లు

తీయాలోయ్ దాన్ని చెలివేళ్ళు

నిదురరాని పొదరిల్లు - బ్రహ్మచారి పడకిల్లు

మూసివున్న వాకిళ్ళు – తెరచినప్పుడే తిరునాళ్ళు

 

ఆటగాళ్ళు పాటగాళ్ళు - అందమైన వేటగాళ్ళు

హద్దులేవి లేనివాళ్ళు ఆవేశం ఉన్నవాళ్ళు రా రా రా  రీ.. హో ..

 

చరణం :

 

 నీతులుచెప్పే ముసలాళ్ళు – నిన్నా  మొన్నటి కుర్రాళ్లు

దులిపెయ్ ఆనాటి బూజులు -  మనవే ముందున్న రోజులు

తెంచేసేయ్ పాతసంకెళ్ళు

 

మనుషులె మన నేస్తాలు -  కమాన్ క్లాప్.. మనసులె మన కోవెల్లు

మనుషులె మన నేస్తాలు - మనసులె మన కోవెల్లు..యెవ్రీబడీ

మనకు మనమే  దేవుళ్ళు -  మార్చిరాయి శాస్త్రాలు

 

ఆటగాళ్ళు పాటగాళ్ళు - అందమైన వేటగాళ్ళు

హద్దులేవి లేనివాళ్ళు - ఆవేశం ఉన్నవాళ్ళు రా రారా రీ.. హో ..

 

కుర్రాళ్ళోయ్ కుర్రాళ్ళు - వెర్రెక్కి ఉన్నోళ్ళు

కళ్ళాలే లేనోళ్ళు - కవ్వించే సోగ్గాళ్ళు ..

కమాన్ యెవ్రీబడీ జాయిన్ టుగెదర్..